بقلبك و عقلك يلا نعيش الحياه

نسم علينا الهوى

2008-11-13T14:27:00.000-08:00

و بينما انا جالسة و صوت فيروز يشدو بجانبي نسم علينا الهوى من مفرق الوادي،، تذكرت ذاك الوادي واديا و موطني و بلدتي و التي تركتها برغبتي و بكامل ارادتي ،

عشت بها اجمل ايام عمري ، لم اكن احبها ، كنت اشعر دائماً ان تلك المدينة الصغيرة تخنقني تحطم امالي تدفن الطموحات في ارضها العميقة ، و طالما وودت بالانتقال للعاصمة حتي استطيع الحصول على اشياء كثيره اردتها لنفسي ،،، فارقت بلدتي منذ اربع اشهر و بالرغم انني لم اكن احبها الاانها بالنسبة ليا الان تمثل اماناً و تذكرني بأيام لن تتكرر ايام العائلة ، لم نكن نفترق لحظة ، ماهذا الحب ، ماهذا الدفء لم اجد هذا سوي في عائلتي ، لم نكن اخوات فحسب بل ابناء اخوال و عموم و كلنا هنا اصدقاء و اخوات لم يعرف الغضب او الخصام طريقا لنا و اذا حدث لم يكن يزيد عن بضع دقائق و بعدها نعود افضلا ، عندما يحزن احدنا تلتف قلوبنا و تتلاحم و عندما نفرح تزغرد تلك القلوب المحبه ،، افتقد هذا الدفء العائلي ، فمنذ ان انتقلت الى المدينة الكبيرة وجدت المسافات الكبيرة ايضاً تبعد بيني و بين كل من يقرب لي من عائلتي ،،

و اعود بذاكرتي الى مدينتي الصغيرة والتي لم اكن احبها فأتذكر اجمل ايام الدراسة و الصداقة و التي مازالت قائمة و اتذكر ايام الحب و الغرام و الاوقات المسروقة من عمر الزمن ايام الشقاوة و الضحك ، ايام عدم التفكير كانت الضحكه اساس الحياة لدينا و القلب مبتسم دائما ، لم اقول انني اعيش الان فترة اكتئاب لا بل اتذكر فقط المدينة التي عشت اكرهها و اتمني لو اعيش بغيرها ، و عندما افكر الان اجد ان اجمل لحظات العمر كانت بها ،،و اذ بي اكتشف انني احبها، احب عائلتي التي اعطتني الكثير و تعلمت من كل فرد بها معني الحب و التضحية و ان الخل الوفي ليس ابدا مستحيلا،، احب حب عمري و الذي اصبح زوجا لي ، احب اماكن حبنا اتذكرها جيدا اتذكر اول همسة و اول كلمه حب ... اعتذر لمدينتي لانني لم اعرف كم احبك الا عندما فارقتك

خمسه اعوام من الحب

2008-04-06T00:42:00.000-07:00

بجد بجد وحشني البلوج وحشتني الكتابه فيه لكن انا كنت مستنيا اليوم دا بفارغ الصبر علشان اكتب طبعا انتو متعرفوش ايه معني يوم 6/4 عندي دا بجد يوم انا اتولدت فيه يوم فعلا بدأت حياتي من التاريخ ده 6/4/2003 اليوم دا اول يوم اسمع فيها كلمه بحبك اول مره احس يعني ايه حب ، يعني ايه حد يكون مهتم بيك و خايف عليك ، لاول مره اشعر و كأنني أنثى و اعترف انني كان لي طموحات خياليه لكن اكتشفت انها لااستطيع تحقيقها بدون حب

محمد الهواري الشاب الطموح اللي التقيت بيه صدفه و توطدت علاقتنا و اصبحنا اصدقاء و لااكذب حين اقول ان صداقه محمد الهواري بالدنيا لاني و لاول مره الاحظ ان في صديق يكون وفي و فجأه بعد 7 شهور من الصداقه الاحظ في يوم اني بدأت اغير عليه و لو حد كان سألني ليه مكنتش هعرف ارد لاني فجأه حسيت احساس عجيب و كلها اسبوعين و اكتشف انو كمان بيبادلني نفس شعوري و كان يوم 6/4 /2003يوم الاعتراف بالحب و كل سنه بيكون حبنا بيكبر بقينا بنخاف عليه قوي بنخاف ليضيع في متاهه زمنا السئ

لكن بعد خمس سنين من الحب اقدر اقول انو اجمل حاجه في الدنيا بكل تعبه و سهره وحتي مشاكلو اللي في النهايه بنضحك عليها لانها مقدرتش تهزمنا مقدرتش تقف في وجه الحب..و في النهايه بحمد ربنا جدا انو اداني محمد الهواري رفيق دربي و عمري بجد انا عمري ما ابتداش الا مع حبي للهواري

بحبـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــك يا محمد

2008-03-12T04:35:00.000-07:00

فارس ارض المحال

2008-01-16T23:59:00.000-08:00

للحب اساطير و حكايات و لحبي انا صوالات و جولات ، حبيبي فارس من زمن لم يعد موجود يحلم بالتغير يحلم و يحلم بتحطيم اسوار ارض المحال . يثبو بخطى واثقة تجاهها لم يتغير و لم تهتز ثقته في التغيير ، و كما اراد فارسي خطوت معه رفعني جواره على ظهر الخيل ظل يعدو و يعدو سريعا صوب المدينه الحزينه كنت دائما اتشبث به كنت اقويه لكن بداخلي رعب لا ينتهي اخاف من عدم اجتياز تلك الاسوار المنيعه فهل من المعقول تحطيم المحال هل نستطيع ان نجعله بالإمكان ، و كلما اقتربنا يدق قلبي بسرعه عجيبه و ازدادا رعبا و خوف فالطريق طويل و ملئ بالاشواك و ايضا اصوات المعذبين و المحبطين من خلفي تطاردنا باهوال ما لقوه في تلك الارض الغبراء ، اتشبث اكثر بفارسي و هو لايعيرهم ادني اهتمام .. اقتربنا اقتربنا ها اني اراها ها انا امام تلك الاسوار ظللنا ايام بلياليها لم نذق طعم النوم نحاول الصمود اما المحال ،و اخيرا بعد كل هذا فٌٌتحت الاسوار صدمت من هول ما رأيت كم من قتلي و جرحي في تلك المدينه المعذبه ،، انتبهت لفارسي فإذا به يقول اهلا بكي يا ملكه ارض السعداء فمن اليوم هي كذلك ارض الحب و الاحبه ارض القلوب المٌحبه ، اهلا بكي يا ملكة ارض المحبه ،، انا انا ملللللكةةةة تلعثمت الكلمات نظر الي و قال سأبوح لك بسري لقد حاولت كثرا تحطيم تلك الاسوار مع 50 امرأه غيرك و عند منتصف الطريق كن ينسحبن يتركوني اواجه لوحدي اما انت فلم تنهزمي وثقت في و ساعدتيني و لولاك كنت رجعت بلا فائده ككل المرات السابقه ، ربضت على يديه يا ملكي يا فارس ارض المحال فلولاك لم اكن انا ملكه هذا المكان اني احب جنونك و اصرارك ،، هيا سوف ياخذنا الكلام بدانا نطوف الارجاء و اذا بسكان المدينه يستقبلونا استقبال الفاتحين و كأنهم ينتظرون من يأتي يخلصهم من جبروت تلك الارض،، و من تلك اللحظه بدأنا البناء بناء ارض السعداء ووزع اميري القلائد قلائد ارض المحبه المصنوعه من الورود الحمراء و هدمنا البيوت العفراء و بنينا بيوتا كلها على اشكال القلوب الحمراء قلوب المحبين ،،و بدأت اعلم اطفال ارض السعداء زرع و حصد و حب و عشق و ها ملكي يضمني و يحمد الله اننا علمنا هذه الارض التي كانت ارض الشقاء و التعساء الحب و الوفاء

حنين ليالي الشتاء

2007-12-02T22:54:00.000-08:00

في ليلة من ليالي البرد القارص ارتديت ملابسي و هرولت لسريري كي احاول استعيد بعض من دفئ جسدي المرتعش وضعت الغطاء على جسدي انتابتني رعشة غير عادية يااااااااا لم اتحمل و لم اعرف استيقظ و لا انام قمت توضأت و صليت يارب اجرنا من هذا السقيع سلمت و جريت على سريري مرة اخرى .، رحت في ثبات عميق لم انم و لكن الحلم امام عيني لم ينتهي اين انت يا من تمنحني الدفئ اين انت و كيف صرت انا بدونك في هذا الصقيع القارص .. مر طيفه امامي شعرت بسخونه و حرارة منبعثه من هذه الجثة المثلجة ..تذكرت تذكرت كيف و هو معي لا افكر لا في برد و لا طعام او شراب فقط انظر لحرارة اللقاء .اتذكر عندما كنا معا حينما لمست يدي و ضممتني لصدرك بقوه كيف لم اشعر بنفسي عندما ارتميت في احضانك الدافئة كيف لمست شفتاه جبهتي و احمرت لها وجنتاي ها ها انا ارتعش من حرارة اللقاء ،،و انظر اجد عيناه اه من عيناه اكل هذا الحب و الشوق لي وحدي لا استطيع كفي كفي فيقول أ للحب نهاية و اقول لا حبنا بداية بلا نهاية و رجعت ارتمي في حضنه الدافئ يضمني فاشعر اكثر باني طفلة صغيرة يغمرني بحنانه،، و فجأة تظهر امي امامي الا تودين الطعام ها لالا لا اريد لا اريد ،، و اعود للحلم حبيبي لما لا تاكل و تنظر اليا هكذا،،، انا اكلت الشهد كله حينما شفتاك لمست شفتاي ،،اه من هذا الحب الي اين يأخذني الي اين ،، حبيبتي الي الحياة الابدية حياة العشاق التي لا غدر فيها و لا خيانه ... مابالك نلعب لعبتي المفضلة لعبة الصراحة ،، اسئلتك لا تنتهي ، حبيبي انا احبها كثيرا هيا هيا :: السؤال الاول : انا افضل ام كل ما رأيت من النساء ، سؤال ليس له معني انت تعرفين ، انت تهرب من الاجابه ، السؤال بصيغة اخري ماذا لو قابلت امرأة اخري اجمل و احلى ، انا اقابل بالفعل ، و ماذا ؟؟ يا حبيبتي دعك من هذا الهراء فمن يحب لا يخدع ، و لا تقارني نفسك بنساء عابرات في حياتي هذه تحب ثقافتي و تلك تحب ان اساعدها في الحياه و اخري تمارس لعبتها المفضلة في خطف الرجال ، و لو حاولت التفكير سوف اكون ظالم لنفسي ، فأنت من اعطتني الحنان ووقفت بجوارى في اقصي الازمان اتكون النهاية خيانة ,,لم اقصد خيانة و لكن ، و لكن ماذا قلت قبل ذلك انت مليكتي و حبيبتي و كل نساء الدنيا ، لا تفكري هكذا ،، حسنا حسنا السؤال هذه المرة عليك : اذا هل تثقي في حبي ، نظرت في عينيه و قلت هذه العين لا تخدع و لا تكذب انا اري بها كل الصدق و الصراحة فأنا اعرف عنك كل صغيرة و كبيرة كيف لا اثق ، اغلقي هذا الكشكول كفى اسئلة فالكلام منتهي و كل كلام القاموس لن يكفي لوصف حبي لك ،، التفت التفت يا اكنت احلم كل هذا تعود لي الرعشة مرة اخري ..
يرن هاتفي ياتيني صوته عبر الاثير يا لو تعرف كم اشتاق اليك حبيبي انا معك بالفعل حبيبتي ،،احتاج اليك،، فيقول انظري لمرآتك تريني ، حبيبي اشعر بقسوه البرد و احتاج ان ارتمي بحضنك كي اشعر بالدفئ،، حبيبتي تذكري ليالينا معا حينها فقط سوف يزول كل هذا الشعور.. حبيبي متي تعود متي تعود يااااا ويل لي من هذا البرد وويل لي من هذا الحب..

لما يقوم من نومو مين يناولوا هدومو

2007-10-29T03:03:00.000-07:00

هاي عليكم يا جدعان و يا جدعات يا صحابي طبعا و نظرا للاقبال المتزايد علي البلوج بتاعي(بتريق طبع)انا قررت اني اكتب تاني بمعدل زماااااااااااااااااااان لو كنتو فاكرين ..................ما علينا المهم انهارده انا اخترت العنوان ده علشان انا اول ما بسمع الاغنيه دي بتستفزني الجمله دي هو ايه لما يقوم من نومو مين يناولو هدومو ايه التواكل ده هي حتي هدومو مش عارف يناولها لنفسو غريبه قوي.. انا هتكلم انهارده عن الاعتماد علي النفس كام واحد فينا فعلا اما بيصحي من نومو بيتحضرلوا الفطار و يلاقي هدومو مكويه و جذمتو متلمعه و هو مبيعملش حاجه غير انو يصحي من النوم دا اساسا لو صحي .. كام واحد فينا عندو ماما نونا في البيت او حتي بابا جوز ماما نونا اللي بيدلع كده ..تخيلوا معايا لو طفل من و هو صغير مثلا مامتو بتعاملو كده و بعدين يدخل الجامعه ماما هي اللي تجيبلوا الهدوم و تشتريلو الكتب و تبقي تحفه بقي لو كانت زي خالتي فرنسا و تجيبلوا المطوي و السجاير و ازاه البيره..لا حقيقي لو فعلا واحد او واحده كل ده بتعملهم هل فعلا لو فقدوا اهللهم او بعدوا عنهم هيعتمدوا علي نفسهم .. انا بتهيئلي انها بتعتمد علي الشخصيه بطبعا هل هي توكليه او لا فيعني لو الشخص او الشخصه اللي بنتكلم عنهم دول اهلهم سابوهم عنهم حاله من اتنين يا اما ينتحروا و ده الارجح يا اما يتلطموا و بعدين يطلع عليهم القديم و الجديد و بعد اما يعرفوا ان الله حق يقرروا ان لو جالهم ولاد يقطعوا عنهم المصروف علي راي اخونا سعيد صالح و ميربهومش علي التوكاليه .. بس اكتر حاجه فعلا بلاحظها برغم الدلع ان في ناس بيبقي بطبعها مبتحبش ده انا واحده منهم بس للاسف اهليهم بيجبروهم علي التواكل كل حاجه بيخلصوها طيب ادونا الفرصه نثبت ان احنا نقدر لكن للاسف الجواب دايما محبط احنا عارفين الحاجه كويس انتو لسه صغيرين مش عارفين

طب يا اخونا لو فضلنا كده صغيرين امتي بقي هنكبر و نعتمد علي نفسنا

تعالوا نناقش الموضوع ده مع بعض و نسأل هل انت من الاشخاص اللي بتحب التوكل و اللا التواكل و هل فعلا بابا و ماما بيأثروا بالسلب عليكك ؟؟؟؟

2007-10-17T02:21:00.000-07:00

اولا كل سنه و كل صحابي طيبين و بخير و يارب يكونوا قضوا العيد بخير و يكون الكحك معملش اي مشاكل و ميكونش في زيادات في الاوزان،، ثانيا بقي بتمني ان كل واحد يكون خرج من رمضان بحاجه جديدة

تعالو بينا نحكي تجاربنا مع رمضان هل رمضان السنه دي كان مختلف و لا زي اي رمضان تعالو مل واحد فينا يقول التجربه

و بما اني انا اللي بقترح فانا هقول الاول

طبعا بعيدا عن صلاه الفجر و التراويح الحمد لله المصحف خلصتو مره و نص طبعا ادائي قل لاني كنت بخلصو بالاربع مرات ..الحقيقه رمضان مر بسرعه قوي و الواحد ما بيلحقش يعمل كل اللي هو عايزه في مجرد شهر،، طبعا بقي لو اتكلمنا على رمضان في مش هننسى ابدا المسلسلات و اللي كانو ازيد من اربعين مسلسل،، انا تابعت يتربي في عزو و قضيه رأي عام كفايه جدا

ليله الوقفه كانت جميله قوي السنه دي فجأه تعبت و جبولي الدكتور و على رأي عادل اما مديلو حقنه كبيره و الله كانت بشعه و بالتالي مصلتش صلاه العيد طبعا حاجه بيخه جدا خصوصا ان العيد ميبقاش عيد من غير صلاته .. لكن من الملاحظ و اكتر حاجه كانت معانا على طول في رمضان اننا مش بنسمع اغاني و قنوات الاغاني طبعا متشاله و بدلها كانت قنوات الرساله و المجد و العفاسي لكن و الله بعد فطار يوم 30 كانت زووم و ميلودي و روتانا موسيقى منورين و طبعا بعد مقاطعتنا الكامله للاغاني اهو بنسمع دلوقتي من اربع لخمس ساعات في اليوم

نفسي اعرف بجد بعد كل واحد ما يحكي تجربتو خرج من رمضان بايه .. انا عن نفسي دعيت كتير و يارب الدعاوي دي تكون من نصيبي لكن بردو زعلانه من نفسي في حاجات مقدرتش ابطلها .. يارب يبلغنا رمضان الجاي علشان يمكن نتوب للابد

رمضان كرييييييييييييم

2007-09-13T02:01:00.000-07:00

!!!و لما تصحي من اجمل حلم على اسوء كابوس

2007-08-29T22:50:00.000-07:00

انا مش عارفه اكتب و اقول ايه اقول ان الدنيا اللي كانت جميله قوي في عيني فجأه دون مقدمات اصبحت بلا طعم ،، مخنوقه قوي مع بكاء لا ينقطع،، هكذا حالتي من الامس .. طبعا كنت في يوم بكلمكم عن قناه الجامعه و اللي دخلت فيها من شهر فبراير ،،،فجأه اتحققت احلامنا فجأه كل واحد حلم يبقي حاجه بقاها اللي كان عايز يبقي مذيع و اللي كان عايز يبقي معد و المخرج و المصور و بتاع المونتاج ،،حلمنا و كنا بنحاول نحقق حلمنا مع بعض ،، اول مره ادخل مكان كل الناس اللي فيه حبو بعض كان اللي يبيقي حزين يجري يروح هناك ينسي كل وجع جواه ،،، اضاءه و ديكور و برامج خارجي و نشره اخبار و فترات مفتوحه كل ده كنا بنعملو طبعا دا كان على النت بس وكان الامل كبييييييييير قوي علشان اللجنة اللي من التليفزيون تيجي و توافق نبقي قناه ارضي و الحلم يبقي حقيقه حلمنا مع بعض حلفنا قسم اننا من نخونش بعض نعمل كل اللي نقدر عليه علشان القناه تبقي حقيقه ملموسه ،،،حتي مدير القناه تخيلو انو اول واحد يشتغل رئيس ليا و مكرهوش و بالرغم انو ممكن يكون فيه حاجات ممكن تزعلني منو لكن مش عارفه ليه ان اي حد كان بيقولي اي كلمه عنو كنت بحس انو بيشتم فيا انا ،،المهم امبارح كنا رايحين القناه عادي يوم اجتماع زي كل يوم اربع و فجأه اقابل صحابي و هم بيقولولي خلاص خلاص الاساس اللي بنيناه اتهد خلاص معدش فيه قناه خلاص كل حاجه حلوه راحت،، مقدرتش اتمالك نفسي زي غيري و المكان اللي كان بيجلجل بضحكنا بقي هو هواه نفس المكان اللي شهد تحطم احلامنا ،، دارت الدنيا بيا ورجعت بيا لاول يوم دخلت القناه و اول مره اقف في مقابله علشان يعرفو قدراتي ،،مش قادره انسي اول مره خرجت فيها علشان اسجل البرنامج بتاعي ، مش قادره انسي اول مره اعمل فيها فتره مفتوحه و قد ايه كنت مرعوبه بس من اول ما بدأت الكلام و انا بنطلق و محدش بيقفني ،،، مش قادره انسي صحابي اللي الدموع ملت عينيهم من كتر همهم ،،، مش هقدر حلم السنين اللي في لحظه بقي حقيقه و في ثانيه ضيعو قرار ظالم،،،عمري مهقدر انسي ان المكان دا خلاني احب حياتي قوي و لم ناس كتيييير على حلم واحد،، اكيد ربنا له حكمه في ده و عارفه انو اكيد مش بيعمل حاجه وحشه لكن اللي مش قادره اعملو انو اوقف نفسي عن التفكير

بجد استفدت قوي بجد الناس كلها كنت بحبها بجد مش هقدر انساكم علشان انتو اللي شاركتوني الحلم و انتو اللي شاركتوني الكابوس عمري ما هنسي اليوم ده 29/8/2007

بقينا في زمن المسخ

2007-08-13T00:27:00.000-07:00

امبارح و اخيرا بعد طول انتظار و بعد سنه يمكن و نص .. ساعدني القدر اني اتفرج علي الفيلم اللي انا بعتبروا فيلم واقعي مأساوي صريح من الاخر تحفه .. فيلم عماره يعقوبيان يمكن ناس كتير اعترضت على الفيلم ده و على المشاهد المحرجه اللي جواه لكن الحمد لله اتفرجت عليه في قناه بتحذف كل هذه المشاهد السيئه .. بجد من اول لقطه في الفيلم قعدت مركزه جدا في كل حرف قد ايه الشخصيات مرسومه صح و بعدين تقريبا الكاتب عامل حصر باهم القضايا اللي بنتعرضلها و بتمر علنا في حياتنا علشان يجمعها كلها في بيت واحد موجود اساسا في الحقيقه و شاهد على عصور مختلفه ..انا طبعا مش ناقده لكن انا حسييت ان كل واحد مرنحوت عليه الشخصيه و كأنها اساسا شخصيتو هو من اول عادل امام حتي سعيد الصالح اللي مأخدش الا مثلا مشهد واحد في الفيلم .. اساسا العبقريه انك تقدر تجمع كل هؤلاء النجوم في عمل واحد

انا بردو حديثي مش علي العمل الدرامي لكن هقول اربع مشاهد عجبوني قوي

اولاًً: مشهد المظاهره بتاعت الجامعه

ثانياً: مشهد تعذيب طه او محمد ابن عادل امام

ثالثأ: مشهد عادل امام و هو ماشي في الشارع هو و هند صبري

و اجمل مشهد شوفتو لقطه جايبه العماره من تحت لفوق حسستني بشموخ المبني و روعتو

اما لو اتكلمت عن الاحداث و الشخصيات ..عجبني قوي كللمت عادل امام لما قال احنا بقينا في زمن المسخ .. حسيت دا قوي و انا بتفرج علي يعقوبيان اولا لان كل الشخصيات بتعيش بزدواجيه يعني نور الشريف الراجل اللي ماسك السبحه في ايدو بيتاجر في المخدرات و بيموت ابنو مع نوع خاص من الانانيه الا محدوده و طبعا ابنو نفس الشئ .. عادل امام بالرغم من اخطاؤه الفادحه الا انو من جواه شخص نفسو يبقي نظيف و مش قادر مثلا ياذي اختو بالرغم من تطاولها عليه حاتم رشيد او خالد الصاوي و بصراحه انا بحيه جدا لانو عرف يلعب الدور و انا صدقتو و انا اسفه اني اقول اتعاطفت مع حالتو لان الاف الاطفال اللي بيحصلهم كده و هم صغيرين و بعدين نرجع نعتب عليهم اه مبدؤه مرفوض لكن انا حسيت ان لو حد كان اخد بأيدو كان هيبقي كويس بالرغم من قسوه الظروف عليه و هو صغير و حسيت انو طيب بالرغم من انو شخصيه شاذه الا انو في المجتمع شخصيه ناجحه جدا و رئيس تحرير جرنال فرنساوي يحترم القارئ.. اما طه و دا من الشخصيات اللي دخلت لاقلبي جدا ابن حارس العقار و اللي مشي في سكه مكنش قدها و فهم الدين غلط و حقيقي محمد عمل شغل جامد قوي خصوصا مشهد التعذيب

عباس ابو الحسن ظابط البوليس المسؤل عن التعذيب و طبعا كتير عملوا الدور ده و بردو ادوه ببراعه منهم سعيد عبد الغني في احنا بتوع الاتوبيس

خالد صالح عضو المجلس الل يقدر يخلي الهروين بدره عربيات بقدره قادر.. هندصبري و اللي جواها كويس بس الظروف خلتها تتخلي عن مبادئها .. كل شخصيه فيها اتنين ككل البشر الجانب الكويس و الجانب السئ يعني كلو بوشين علشان كده انا عجبني قوي مشهد عادل امام و هو بيقول بقينا في زمن المسخ زمن غير محدد المعالم اللي اخت فيه بتبيع اخوها و عادي و اللي الاب فيه يقتل ابنو و اللي الراجل يتنازل عن عرضو علشان شويه فلوس فعلا زمن مسخ ... انا فعلا عجبني العمل كمجمل برافو اننا نقدر نرصد واقعنا بالشكل ده

خفاقات قلب لكل البشر

2007-08-12T23:54:00.000-07:00

خفاقات قلب لكل البشر

البلوج دا جامد و عجبني قوي فحبيت اجبهولكم اقروه

جلاء جامعه

2007-07-31T01:51:00.000-07:00

انا خلاص كرهت نفسي حرام كفايه طبعا اللي هقولو دلوقتي مش جديد بتهيئلي ان معظم الناس عيشاه بالملي

انا و كما تعلمون بيتي في الجلاء دا طبعا في المنصورة و شغلي علي بعد يعني كده بالتقريب نص ساعه ساعه الا تلت من البيت .. في مشواري الصبح طبعا بعد الصحيان و الفطار و اللبن اللي بيتشرب غصب علشان الكالسيوم اوعو تنسوا ها اخد شنطتي و في طريقي للعمل ،، طبعا ببقي صاحية مضروبه مش بالجذمه لا مضروبا بمحل جزم طبعا ماشيه اترنح زي السكرانين بالظبط و بعدين استنا غاده و اللي بتمشي معايا نفس تقريبا الماشيه الميته و نجوي بنت خالتي اللي بتكون الوحيده اللي ماشيه كويس دا نظرا لانها بتنام من العشا .. ما علينا من الرغي دا كلو الحديث الوحيد اللي بنتطرق ليه كل يوم انا و غاده طبعا هو المواصلات اه ماساه المواصلات المفروض ان اول ما نوصل عند بوابه الجامعه فيه مواصله تودينا الكلية اللي بنشتغل فيها لكن مع الالم مع الاسف دا طبعا معظم الاوقات مبيحصلش و بالرغم من صغر سننا لكن اكاد ان اجزم ان عليا النعمة ان امي و ام كل الناس اللي هيققروا بيمشوا احسن مننا و ارشق 100 مرة و نبدأ طول الطريق نلعن في اليوم اللي فكرنا نشتغل فيه و مجهودن اللي بيروح علي الارض طبعا دي مبتعتبرش مشكله علي الاطلاق في مقابل اللي بيحصل بعد كده لان ان احنا نروح الشغل امر هين جدا بالنسبة ان احنا نخرج منه

خليكو معايا

رحلة العذاب و الضنا

رجعنا انا عايزه اروح و بعدين طبعا مستحيل في الشمس الجميله دي و الجو اللي مشفتش زيو جو و اكيد مش هنشوف عايزه اروح ارمي هدومي في اي حتة ة اول سرير يقبلني ادور عليه يارب يارب معدتش قادره .. و نمضي و نخرج بره الجامعه و نستنا الباشا الباشا و انا هسميه الباشا ده لندره وجوده في عصرنا الحالي.....الجلاء ياباشا انه مكروباس الجلاء الجلاء الجلاء الجلاء

طبعا بعد الانتظار حوالي النص ساعه اللي كان زماني روحت فيها و بعد الشمس المنوره الدنيا الجميله و الحر الامور و التلزيق اوعو مألكوش على التلزيق مأدرش اتكلم و فجأه الباشا جه يولاد ايه الحلاوه دي يحلاوتك يمكروباص العظماء الناس كلها بتركب مكروباصات الصغيره لكن اكبر مكروباص يتلاقه عندنا في منصورتنا الغاليه طبعا الباشا الكبير اخيرا وصل و زي مقولت ان جيته عزيزه باشا ...اشاور و اتطلع ايه دا ايه دا فين الكراسي ياباشا اتاري بقه السواقين بجلاله قدرهم شالو الكراسي و سابه فاضي ليه بقه اقولكم :: علشان يستوعب مساحه اكبر من الشعب شفتو التواضع ياعالم و بعد رحله شاقه و زق من هنا و من هنا استقر بمكاني في اخر المكروباز ززززز و هناك يعلو صوت مش عارفه كده حاجه كده بيقولو عليه تباع و بتهيئلي ان الاصح ان الناس اللي راكبه هي اللي يتقال عليها تباعين اما الباشا الصغر دا تباع مين المهم صوته كده رنان و جميل و بنادي بحس هادي الواحد يعني بيحاول يسمعوا بالعافيه ..الاوجره ياحضضارات و اللي مش هيدفع الاجره ينزل احنا مش ناقصين قرف علي قرفنا ... اله اوريجنال خالص موت .. و تبدأ الناس تهل هلو هلو و طبعا المكروباص اللي كان بيستوعب بكتيروا قوي 20 واحد بقدرت قادر اكتر من خمسين راس تلاقيهم فوقيك الله بردو الباشا طيب ... و الله علي صوت الانسه الرقيقه اللي جنبي و التي لا تختلف كثيرا عن التباع الهادي الوديع تنادي علي اختها يابت يازينب انت فين يا به اوعاكي تتوهي مني يا ختي و بارق صوت عندها للاخ اللي اساسا مش عارف يوقف زيو زيها بالظبط اتاخر كيده و انت تخين كتكو الارف عليكو و علو مكروباصتكم و دا من غير اي مبرر دا حتي المكروباص الباشا مريح للغايه ياعيني عالصبر .. انت يابت يازينب ايه ياختي انت لسه هيني اوعاك تنزلي الا اما اقولك يابه و تاتي صوت زينب حاضر ياختي هو انا صغيره خايفه عليا اتخطف و تبدأ تدور مناقشه حاميه الوطيس بين زينب و اختها و لا كأنو بيت دادي و لما ابيه التباع يزهق في الاخر يقولهم بس ياوليه منك ليها ايه ده صدعتونا مش كفايه الحر علينا و انتو كمان يبلاوي .. بس يابنت تتتتتتتتتت ايهده انت بتشتم يابن تتتتتتتتتتتتت و انا محتاسه في النص يارب عدي الوقت دا علي خير دا لو كنت مشيت في الشمس كان ارحملي و افتكر كلمتي الصبح الله يخربيت الشغل علي عيزين يشتغلوا ساعه واحده .. و ابص يمكن الاقي حد زي الاقي راجل يعني علامات الزمن اكلت من وشه راقات يقولي هي دي مصر يابنتي..و ابص النحيه التانيه الاقي واحده تنبعث منها رائحة برفان اسنس اف الله و لا كأنها حطه تحت باطها فار ميت جميله قوي و انزل من المكروباص و انا اسئل اشمعني ياعالم المنصوره كلها ليها مكروباصات الدنيا و الاخره اما الجلاء فيعينا كفايه عليه الباشا و انزل و اقول عليا الطلاق بالتلاته لو ركبتو تاني لكن مفيش فايده دا بيجري في روحي و دمي

الجلاء الجلاء الجلاء

حوار بلا شطآن

2007-07-09T23:05:00.000-07:00

الآخر هو مين الآخر هل الآخر هو اللي مختلف معانا في الدين او الآخر هو الشخص اللي مختلف في الفكر او مثلا مجبش مجموع كبير زي حضرتك و مدخلش كليه قمه فبقي واحد آخر . ليه احنا دايما مش عارفين نتعامل مع الشخص الآخر و دايما حسين ان احنا على حق و هو و لاحق و لا باطل .. انا انهارده بتكلم عن الآخر فى الدين و الدوله ..و ده لانى عندي هوايه خاصه بالقراءه ى الديانات الغريبه او حتى المعروفه و كمان الطوائف و طبعا بدأنا في الاونه الاخيره نتعرف بيهم عن قرب اكتر زي البهائيه و القرآنين و الايزيدية . و بالرغم من ان الناس د عيشين معانا بقلهم سنين لكن منعرفش عنهم اي شيئ الا ما طلعه يطلبوا بحقهم في الاعتراف بيهم .. مشكلتي دايما ان اصحابي بيفهموني غلط و بيفتكروا دفاعي عن الآخر ايمانا منى بعقيدته لكن اللي هم ميعرفوش ان ده قرب مع الآخر او زي متسموه تعاطف مع الاسلام اللي عمروا ما رفض الآخر بالعكس دا رحب بالآخر و رحب بالتعامل مع الآخر وحدد كل علاقاتنا مع الآخر بل وصى على الآخر ..و لكن الناس معتقده بدام الآخر دا اخر فهو ملقوش حق علينا .. المهم في كلامي احنا ايه اللي وصلنا لفكره رفض الآخر هل ثقافه متوارثه يعني الاهل اللي يقولوا لعيالهم متكلوش من واحد مسيحي او اللي يقول ان امريكا دي بلد لازم تتحارب و نسوا ان المسيحي ده ممكن اخلاقو تكون افضل او ان الامريكان مش هما اللي بيحربوا العرب و الامثله واضحه في الناس اللي بتدعوا للخير و السلام ..و طبعا دا مش عندنا بس لكن بردوا بتبقي متوارثات عند الآخر يعني انا كان عندي صديقه مسيحيه لو اتخنقنا تقول اه اتضهاد علشان انا مسيحية بالرغم ان احنا كنا بتخانق على حاجات ملهاش دعوه بالدين ..و طبعا الامثله كتير من الجانبين ،،،يعني من الاخر احنا ليه منتقبلش الآخر هو الاخر دي يعني مش انسان له نبض و احساس و يمكن يراجل من كلمه من معامله حسنه يبقي مش آخر .. و طبعا كلامي ده اتقال 100 الف مره لكن انا مش هزهق من كلامي عن تقبل الآخر و زي ما انت اخترت هو كمان اختار و ربنا قالنا "لكم دينكم و ليا دين "

يوم التكريم

2007-05-13T22:40:00.000-07:00

صباحكم فل يا كل صحابي ،، معلش بقالي كتير مكتبتش لاني و زي ما انتو عارفين فكره مدونتي قايمه علي الرومانسيه و الفرفشه و الحاجات اللذيذه فيعني بحاول اني مكتبش اي حاجه ،، انا انهارده هكلمكم عن يوم انا بجد كنت فرحانه فيه قوي ،، الاول للي ميعرفش ان عندنا في المنصوره افتتحوا اول محطه راديو و تليفزيون للجامعه و سموها muc او قناه جامعه المنصورة

انا طبعا اول ما عرفت يعني مش عايزه اؤلوكم انا عملت ايه اتهبلت و رحت قدمت فورا لاني و كل اصحابي عارفين ده هوايتي الالي و الاخيره اني ابقي مذيعه بالرغم عن الظروف ،، و مش هطول عليكم غير اني اقولكم اني عملت برنامج في التليفزون و واحد اخوه في الراديو و قارئه نشره في التليفزون و استطرادا انا انا مبحبش الا النشره بحس فيها بقوه فظيعه و بحس اني متميزه فيها بشهاده الناس اللي يعرفوني و الجميل فيها انها غير شخصيتي المهرجه خالص ،، المهم بقي اللي انا كنت هحكيلكم عنو هو يوم التكريم ،، دا يوم كان لكل العاملين بالقناه يعني حبه تحفيز و بما اني من اعضاء القناه فكان لي نصيب من التكريم،،، كان يوم 12 /5/2007 يعني من يومين اولا انا كان نفسي الدنيا كلها تحضر بس كانو محددين 2 او 3 بس اللي يجو ،، كلمت اصحابي في الشغل علشان هيبقي معاهم كرنيهات و رحت انا و ماما و زوجه خالي و بنت خالي و بنت خالتي ،، و صلت للقاعه 7 و نص زي مكان مقرر ان الحفله تبدأ و قعدت استني ان حد يعبرني من صحابي و زميلي ،، لا حياه لمن تنادي بالرغم اني مكلماهم نافر نافر بس ،، و فجأه ظهر زميلي العزيز هاني شيحه و هو حالق راسو ظلبطه طبعا في البدايه انا شبهت عليه لكن فجأه عرفتو دا بعد طبعا مكلمني و لولا كده كنت هقعد طول الحفله اشبه ،،، تقريبا كان بيحتفل بيا بس على طريقتو ،، ابن حلال اخيرا واحد عبرني ،، و بعدها جاءت غاده مصطحبه ابنه خالتها سمر و قعدو في اخر بنش و اتفقنا يصيتوني مهو مش يوم عادي ،، و الحفله بدات 9 و نص يعني بعد ساعتين من الميعاد ،، اه نسيت اقول ان محمد خطيبي كان في مصر فكان مش نافع يجي اما الباقي ففي واحد كان في دمياط و التاني كان مسافر مصر و مكنوش عرفين يجو بس الحمد لله اللي كانو موجودين كانو كفايه يعني سدو ،،،و جاءت لحظه التكريم ،،، ان ااان تش امل ممدوح وافي ،، يارب يارب حد ينطق ايه ده لقيت تسقيف حاد يصحبه بعض الصفافير و صوت ياتيني من اخر بنش كل دي جمايل و دا كان صوت هاني اللي كان حالق زلبطه زي مقلتلكم ياريتو منطق بس و الله كتر خيرهم و بعدها بلحظات لقيته غاده و الشله اللي هي مكنتش موجودهه اساسا استاذنو علشان يمشوا مهما قاموا بالواجب اهو ،، كان نفسي يقعدو شويه بس معلش كتر خيرهم ،، بعد التكريم كانت الحفله ،، يا قد ايه كانت جامده تخيلوا كل الشباب فرحان بحاجه بجد بتاعتنا و اتكرمنا عليها قعدوا يرقصوا و يصفروا و يظغرطوا و الكل كان واقف ،، و طبعا انا كمنت المفروض العاقله اللي فيهم و دا مش عقل مني اني مقمتش معاهم لكن نظرا لوجود قطبين من العائله و هما مرات خالي و ماما فطررت اسفه اني اقعد زي اللي انا قاعده عليه يعني كان الامر ميخلاش من بعض التسفيق علي انغام الموسيقي و اصوات اصحابنا في القناه و بعدين و بعدين اه نجوي بنت خلتي نظرا لانها اساسا بتنام من تسعه بالليل و الساعه دلوقتي 11 و حبه فتزحلقت في الكرسي و نامت و مرات خالي الحقيقه كانت هتموت علشان تتفرج علي المسلسل اصلها متابع جيد جدا للمسلسلات اما ماما فكان الوضع مختلف كانت عايزه تقوم علشان بابا ميقعدش لوحدو و انا و ندي بقي عيزين نقعد علشان بصراحه كانت حفله جامده

بس رضخت في النهايه للاوامر و مشينا من الحفل و انا حامله في يد شهاده التقدير و في اليد التانيه مانجشه في مرات خالي و عقلي مبطلش يقول ،، قد ايه انا فعلا بحب المهنه دي قوي و لو رجع بيا الزمن تاني بردو هتمني ابقي مذيعه

نسيت اقولكم اني و لا واحد من التحف اللي كانو موجودين صورني

حسبي الله و نعم و الوكيل

بسمه تزللك الصعاب

2007-04-29T01:28:00.000-07:00

مساء الخير على كل اصحابي انا مش عايزه اقولكم مدى سعادتي ان فيه حد عبرني في المدونه،،، و شكرا لكل اللي بعتولي و انا بوعدكم بإذن الله اني اكون عند حسن ظنكم ،،، و اكتبلكم حاجات مفيده و اهو الواحد ياخد شويه حسنات على الماشي فيكمن،،، المهم انا بقي عندي موضوع منرفزني قوي ،،، الابتسامه ،، هو الواحد هيجرالو حاجه لو كان مثلا في مركز او ربنا يعني قدره ومسك سلطه معينه حتى لو كانت بسيطه يقوم يطلع

اللي عملوه الناس فيه على ناس تانين و على راي سعيد صالح "" و ديني لقطع عنهم المصروف""" طب مانت كنت بتضايق منهم دلوقتي بقي عادي،، بصراحه حاجه تغيظ و مش بس في المصالح الحكوميه في مصر كلها ،،، هو ان الواحد يقابل الناس كويس بقت حاجه قليله الادب و لا ايه،، ايه رايكم نبدأ نعود نفسنا على الضحك في وش الناس بجد الناس زهقت من التكشير يا حاجه ممله،،تعالو اقولكم

http://www.feedo.net/QualityOfLife/Happiness/Laugh.htm#8

افتحوا اللينك ده هتلاقوه كلوا فوائد عن الضحك

و منساش قول رسولنا الكريم" تبسمك في وجه اخيك صدقه" و منساش كلام المولى عز و جل في وصف سيد الخلق "باي رحمة من ربك لنت لهم و لو كنت فظا غليظ القلب لانفضوا من حولك"

صدق المولي ،،، و قال تعالى ايضا" ادفع بالتي هي احسن فاذا الذي بينك و بينه عداوة كأنه و لي حميم

صدق الله العظيم"،،، امال بقى لو مكناش احنا نضحك نجيب مين يضحك ،ن و طبعا بمناسبه الضحك اكيد مش هسيبكم تقروا من غير ما اقولكم اخر نكته
مرة 3 أطفال راحوا محل لعب، واحد فيهم بيقول للراجل: عمو عمو عايز بلونة. الراجل جاب السلم وطلع وجابله بلونة ونزل، فسأل التاني: وانت عايز ايه؟ قاله بلونة .. فقاله الراجل ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قاله لأ... فنزل الراجل وقاله : امال عايز ايه؟ قاله عايز بلونتين.
""

بقلبك و عقلك يلا نعيش الحياة

2007-04-24T05:06:00.001-07:00

دنيا كبيرة وواسعة ، عيشين في غابه مليانه غلابه،،، كل يوم يمر عليهم كأنو اخر يوم هيعيشوا ،،، لكن مع كل ضحكه طفل بيتولد بيتولد امل جديد،، حب جديد ،، صدق في المشاعر شفافيه و عيشه تانيه

تعالوا نبدأ من جديد ،، تعالوا نتولد من جديد،، نضحك ضحكه طفل لسه بيتولد من جديد،،، بجد انا سعيده اوي علشان هبدأ من جديد حاجه كلها جديد،،، تعالوا نحب و نفكر في حب جديد بقلب كلوا نقاء و صفاء عن شيء كلوا جديد في جديد ،،تعالوا معايا نفتح صفح جديدة من اول و جديد،،، و بقلوبنا و عقولنا هنعيشها،،، ايوه هنعيشك يا حياة

الى من وهبني الحب

2007-04-24T04:24:00.000-07:00

حبيبي كم اشتاق لرؤيتك , الي النظر الى عينيك ,, الى التحدث الى قلبك و عقلك,,,حبيبي كم من ايام تطول و لا ارى عينيك ،، لا اشعر بدفأ مشاعرك ،،، ولكن في وسط الزحام ،، و في كل خطوة اخطوها اشعر انك بجواري تقودني تمنحني القوه كي استمر،، حبيبي كم انا احبك فانت من علمتني كيف احب ،، كيف افكر ،، كيف اصبح انسان،، فيا من احببت اليك كل شوقي و اعترافي انك رجلي الى اخر الزمان ،، رجل احب فاحببت حبه و عشت لاجله،، اليك مني كل الشوق و كل الحب