حوار بلا شطآن
الآخر هو مين الآخر هل الآخر هو اللي مختلف معانا في الدين او الآخر هو الشخص اللي مختلف في الفكر او مثلا مجبش مجموع كبير زي حضرتك و مدخلش كليه قمه فبقي واحد آخر . ليه احنا دايما مش عارفين نتعامل مع الشخص الآخر و دايما حسين ان احنا على حق و هو و لاحق و لا باطل .. انا انهارده بتكلم عن الآخر فى الدين و الدوله ..و ده لانى عندي هوايه خاصه بالقراءه ى الديانات الغريبه او حتى المعروفه و كمان الطوائف و طبعا بدأنا في الاونه الاخيره نتعرف بيهم عن قرب اكتر زي البهائيه و القرآنين و الايزيدية . و بالرغم من ان الناس د عيشين معانا بقلهم سنين لكن منعرفش عنهم اي شيئ الا ما طلعه يطلبوا بحقهم في الاعتراف بيهم .. مشكلتي دايما ان اصحابي بيفهموني غلط و بيفتكروا دفاعي عن الآخر ايمانا منى بعقيدته لكن اللي هم ميعرفوش ان ده قرب مع الآخر او زي متسموه تعاطف مع الاسلام اللي عمروا ما رفض الآخر بالعكس دا رحب بالآخر و رحب بالتعامل مع الآخر وحدد كل علاقاتنا مع الآخر بل وصى على الآخر ..و لكن الناس معتقده بدام الآخر دا اخر فهو ملقوش حق علينا .. المهم في كلامي احنا ايه اللي وصلنا لفكره رفض الآخر هل ث
قافه متوارثه يعني الاهل اللي يقولوا لعيالهم متكلوش من واحد مسيحي او اللي يقول ان امريكا دي بلد لازم تتحارب و نسوا ان المسيحي ده ممكن اخلاقو تكون افضل او ان الامريكان مش هما اللي بيحربوا العرب و الامثله واضحه في الناس اللي بتدعوا للخير و السلام ..و طبعا دا مش عندنا بس لكن بردوا بتبقي متوارثات عند الآخر يعني انا كان عندي صديقه مسيحيه لو اتخنقنا تقول اه اتضهاد علشان انا مسيحية بالرغم ان احنا كنا بتخانق على حاجات ملهاش دعوه بالدين ..و طبعا الامثله كتير من الجانبين ،،،يعني من الاخر احنا ليه منتقبلش الآخر هو الاخر دي يعني مش انسان له نبض و احساس و يمكن يراجل من كلمه من معامله حسنه يبقي مش آخر .. و طبعا كلامي ده اتقال 100 الف مره لكن انا مش هزهق من كلامي عن تقبل الآخر و زي ما انت اخترت هو كمان اختار و ربنا قالنا "لكم دينكم و ليا دين "
3 comments:
حلو قوى الكلام ده ، لكن يا أمل إحنا مش بس بقت أخلاقنا ضيقة مع الآخر إللى ممكن يكون مختلف عننا فى الدين إحنا كمان ماعدش عندنا خلق إن إحنا نختلف و نتقبل وجهة نظر غير وجهة نظرنا ما عدناش بنستحمل أراء بعض إللى ممكن تكون مختلفة تماما عننا ما عادش عندنا تسامح مع الآخر إللى ممكن يكون له سلوك مختلف عننا فى الحياة ما عدناش بنستوعب الآخر إللى ممكن يكون من دينى و دينك بس مش زينا و بقت العصبية و التشدد هى العلامة التجارية السائدة لأننا إما بقينامغرورين ذيادة أو لأننا مش عايزين نشوف و إحنا مفتحين .مساء الفل
كلامك فيه جزء صح لكن فى حاجات مش موافق عليها
انتى خلطتى كل حاجة ببعضها
يعنى (الأخر) من مفهوم الدين غير مفهوم
الوطن غير المذاكرة الخ الخ الخ
ولكل (أخر) من دول له طريقة معاملة
هتكلم عن الأخر فى الدين زى ما حددتى فى موضوعك
انا معاكى ان لكل (أخر) حق وهو المعاملة الحسنة لكن برده ما ننساش ان الشرع له ضوابط وعلى سبيل المثال شوفى الآيات دى
{وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ }العنكبوت46
{مَّا يَوَدُّ الَّذِينَ كَفَرُواْ مِنْ أَهْلِ الْكِتَابِ وَلاَ الْمُشْرِكِينَ أَن يُنَزَّلَ عَلَيْكُم مِّنْ خَيْرٍ مِّن رَّبِّكُمْ وَاللّهُ يَخْتَصُّ بِرَحْمَتِهِ مَن يَشَاءُ وَاللّهُ ذُو الْفَضْلِ الْعَظِيمِ }البقرة105
{يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ }المائدة51
{وَمَن يَتَوَلَّ اللّهَ وَرَسُولَهُ وَالَّذِينَ آمَنُواْ فَإِنَّ حِزْبَ اللّهِ هُمُ الْغَالِبُونَ }المائدة56
{ لَا تَجِدُ قَوْماً يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ{22}} الممتحنة 21,22
ودى مش عصبية ولا تشدد زى ما شوفتى ان كلنا مطالبين بكل النصوص مش تساهل فى التعامل ولا تشدد
ياريت تكون وجهة نظرى واضحه
يا محمود انا اكيد مش مختلفه كتير عن اللي انت بتقولوا و انت لو كنت قريت الموضوع كويس هتلاقينا كاتبه بالنص "تعاطف مع الاسلام اللي عمروا ما رفض الآخر بالعكس دا رحب بالآخر و رحب بالتعامل مع الآخر وحدد كل علاقاتنا مع الآخر بل وصى على الآخر ..و لكن الناس معتقده بدام الآخر دا اخر فهو ملقوش حق علينا "
يعني فعلا ربنا و رسولنا حددلنا كل علاقتنا و كيفيه التعامل مع الاخر علشان ميبقاش اخر او حتي منشعروش انو اخر و من الاخر لازم نعرف ان دينا ده دين معامله و رسولنا قالنا انما جئت لاتمم مكارم الاخلاق.. يعني فن التعامل مع الاخر ده فن اسلامي صميم ..و شكرا علي الاهتمام
Post a Comment